សិក្ខាសាលាអំពី “ជំនាញក្នុងការធ្វើបទបង្ហាញ” ដល់សិស្សានុសិស្សកម្រិត 7b

ការធ្វើបទបង្ហាញ គឺជាវិធីសាស្រ្តដ៏ល្អមួយ ក្នុងការទំនាក់ទំនងគំនិត និងយោបល់។ ដើម្បីនាំសារទៅកាន់ទស្សនិកជនអោយបានយ៉ាងច្បាស់ និងមានប្រសិទ្ធភាព វាទាមទារអោយមានជំនាញធ្វើបទបង្ហាញដ៏ល្អ។ ដោយដឹងពីសារៈសំខាន់នៃការធ្វើបទបង្ហាញ មជ្ឈមណ្ឌលភាសា អេអាយអាយ សាខាផ្សារថ្មី បានរៀបចំសិក្ខាសាលាស្តីពី "ជំនាញក្នុងការធ្វើបទបង្ហាញ និងការនិយាយនៅចំពោះមុខទស្សនិកជន" សម្រាប់សិស្សានុសិស្សកម្រិត 7b។ គោលបំណងនៃសិក្ខាសាលានេះ គឺដើម្បីផ្តល់នូវគន្លឹះ និងបច្ចេកទេសមួយចំនួនសម្រាប់សិស្សានុសិស្ស ដើម្បីក្លាយជា អ្នកធ្វើបទបង្ហាញដ៏ល្អ មិនត្រឹមតែសម្រាប់ការសិក្សារបស់ពួកគេប៉ុណ្ណោះទេ ថែមទាំងសម្រាប់អនាគតរបស់ពួកគេផងដែរ។