មជ្ឈមណ្ឌលភាសា អេ អាយ អាយ ជួបសំណេះសំណាលជាមួយលោកគ្រូ អ្នកគ្រូថ្មី​

មជ្ឈមណ្ឌលភាសា អេ អាយ អាយ (Aii)​​ ដែលជាស្ថាប័នឈានមុខគេក្នុងវិស័យអប់រំ ទើបតែបានរៀបចំកម្មវិធីសំណេះសំណាលជាមួយលោកគ្រូ អ្នកគ្រូថ្មីរបស់ខ្លួន។ កម្មវិធីនេះប្រារព្ធឡើងនៅថ្ងៃទី២៥ ខែសីហា ឆ្នាំ២០២៣ ដោយមានការចូលរួមពីភ្ញៀវសំខាន់ៗមកពីគណៈគ្រប់គ្រងសាលាដូច លោកប្រធាននិងអនុប្រធាន មជ្ឈមណ្ឌលភាសា អេ អាយ អាយ។

គោលបំណងចម្បងនៃជំនួបនេះគឺផ្តល់ការណែនាំដល់លោកគ្រូ អ្នកគ្រូថ្មីអំពីក្រមសីលធម៌ និងគុណតម្លៃដែល Aii ប្រកាន់ខ្ជាប់ និងផ្តល់ការគាំទ្រក្នុងឆ្នាំដំបូងៗរបស់ពួកគេនៅសាលា។ កម្មវិធីនេះបានចាប់ផ្តើមជាមួយនឹងការណែនាំខ្លីៗអំពីប្រព័ន្ធរបស់សាលា ដើម្បីធានាថាលោកគ្រូ​ អ្នកគ្រូថ្មីទទួលបានការយល់ដឹងច្បាស់លាស់អំពីក្របខ័ណ្ឌអប់រំរបស់សាលា។

លោកឡាយ សុភា ប្រធានមជ្ឈមណ្ឌលភាសា អេ អាយ អាយ បានថ្លែងអំណរគុណចំពោះការលះបង់ និងការខិតខំប្រឹងប្រែងរបស់លោកគ្រូ អ្នកគ្រូ។ លោកបានសង្កត់ធ្ងន់លើតួនាទីដ៏សំខាន់ដែលលោកគ្រូ អ្នកគ្រូក្នុងការអប់រំសិស្សានុសិស្សលើផ្នត់គំនិត និងការរួមចំណែកលើបេសកកម្មរបស់ស្ថាប័នក្នុងការផ្តល់ការអប់រំភាសាបរទេសប្រកដោយគុណភាព។

ពិធីជួបសំណេះសំណាលនេះ មិន​ត្រឹម​តែ​ជាស្វាគមន៍ និង​ការ​ណែនាំ​ជា​ផ្លូវ​ការ​ដល់​លោកគ្រូ អ្នកគ្រូថ្មីអំពីសហគមន៍​ Aii ប៉ុណ្ណោះទេ ប៉ុន្តែ​ថែម​ទាំង​បង្កើនការស្វែងយល់ពីគ្នាក្នុងចំណោមលោក​គ្រូ អ្នកគ្រូ​ថ្មី​ៗ​ទៀត​ផង។ វាក៏បានផ្តល់ឱ្យពួកគេភ្ជាប់ទំនាក់ទំនងជាមួយមិត្តរួមការងារ និងថ្នាក់ដឹកនាំសាលាដែលអាចជួយសម្រួលដល់ការឡើងកាន់តួនាទីថ្មីរបស់ពួកគេ។

មជ្ឈមណ្ឌលភាសា អេ អាយ អាយ​ (Aii) បន្តការប្តេជ្ញាផ្តល់ការអប់រំប្រកបដោយឧត្តមភាព ហើយជំនួបជាមួយលោកគ្រូ អ្នកគ្រូថ្មីនេះជាសក្ខីភាពមួយក្នុងការគាំទ្រឥតឈប់ឈររបស់ខ្លួនចំពោះ​គ្រូបង្រៀន និងការអភិវឌ្ឍវិជ្ជាជីវៈរបស់ពួកគេ៕